Tuesday, April 15, 2008

YE banks and braes

A spring day; on the way home, riding through East Cambridge, singing trad songs to which I don't really know all the words.

CXXXIX. "Ye banks and braes o' bonnie Doon"
Robert Burns

YE banks and braes o' bonnie Doon,
  How can ye bloom sae fair?
How can ye chant, ye little birds,
  And I sae fu' o' care?

Thou'll break my heart, thou bonnie bird
  That sings upon the bough;
Thou minds me o' the happy days
  When my fause Luve was true.

Thou'll break my heart, thou bonnie bird
  That sings beside thy mate;
For sae I sat, and sae I sang,
  And wist na o' my fate.

Aft hae I roved by bonnie Doon
  To see the woodbine twine:
And ilka bird sang o' its Luve,
  And sae did I o' mine.

Wi' lightsome heart I pu'd a rose,
  Frae aff its thorny tree;
And my fause Luver staw the rose
  But left the thorn wi' me.